კულტურული პროგრამები

ახალი ადგილების დათვალიერება, რაც ხშირად დაუვიწყარ შთაბეჭდილებებს ქმნის, შესანიშნავი თერაპიაა იმისთვის, რომ თავი უკეთ იგრძნო.

სწორედ ამიტომ, ქვეყნის საუკეთესო ტურ-სააგენტოებთან ერთად ბიოლი ახდენს გასვლითი ტურების ორგანიზებას, რომელთა ფარგლებშიც შესაძლებელია საქართველოს ისტორიული ადგილებისა და ღირსშესანიშნაობების დათვალიერება, ქართული ფოლკლორის და ტრადიციული სუფრის თავისებურებების გაცნობა, ეროვნული კერძებისა და უნიკალური ქართული ღვინოების დეგუსტაცია.

ექსტრემალური შეგრძნებების მოყვარულებს შეუძლიათ აეროსტატით გადაუფრინონ კავკასიონის დიდი ქედის სამხრეთ კალთებზე გაშენებულ ვენახებსა და ხეხილის ბაღებს, ტყეებს, ტბებს და მდინარეებს. მათ ასევე დააინტერესებთ პარაპლანით მოგზაურობა საქართველოს სხვადასხვა რეგიონებში, აქტიური დასვენების მოყვარულებს კი მთებში რაფტინგის დაუვიწყარი ტური ელოდებათ.

კულტურული ტურის მნიშვნელოვანი ნაწილია აბანოთუბანში სტუმრობა, სადაც სტუმრებს საშუალება აქვთ ისიამოვნონ გოგირდის სამკურნალო წყლების აბაზანებით, დაისვენონ და ამავდროულად, დატკბნენ ძველი თბილისის პეიზაჟებით.

მტკვარზე ტივით გასეირნება განსხვავებული კუთხით წარმოაჩენს ისტორიული თბილისის სილამაზეს, იდუმალებით მოცულ ძველ შენობებს.

აღმოაჩინე საქართველო

საქართველო საოცარი მრავალფეროვნებით ცნობილი ქვეყანაა, რომელიც ყველაზე გამოცდილ ტურისტსაც კი იოლად მოაჯადოვებს თავისი ავთენტური სილამაზით.

ბიოლის სტუმრებს ვერტმფრენის საშუალებით ამ პატარა ქვეყანა-მუზეუმის დათვალიერება სულ რაღაც ერთ დღეში შეუძლიათ. გარდა ამისა, კურორტი საკუთარ დამსვენებლებს მათთვის ინდივიდუალურად შედგენილ სანახაობრივ ტურებსაც სთავაზობს.

მათთვის, ვინც განსაკუთრებით დაინტერესებულია ხუროთმოძღვრული ძეგლებით და უძველესი არქიტექტურით, ბიოლისთვის ექსკლუზიურად შედგენილი ტური იდეალური არჩევანი იქნება. ის მოიცავს ექსკურსიას როგორც თბილისის ისტორიულ ნაწილში, ასევე საქართველოს ძველ დედაქალაქ მცხეთაში. კულტურულ პროგრამას მუხრანის ველის მიდამოებში საჰაერო ბურთით გასეირნება ცვლის, საღამოს კი საინტერესო ტურს ღვინის მარანში ვიზიტი და ტრადიციულ ქართულ სამზარეულოსთან გაცნობა ასრულებს.

მეღვინეობის კულტურის და ქართული ღვინის თაყვანისმცემლებს მზიან კახეთში დაუვიწყარი თავგადასავალი ელოდებათ. გამოცდილი გიდი მათ უძველეს მონასტრებს დაათვალიერებინებს. საჰაერო ბურთიდან დანახული ალაზნის ველისა და კავკასიონის მთების სილამაზით მიღებულ შთაბეჭდილებას კიდევ უფრო გაამძაფრებს შატო ზეგაანში ვიზიტი, სადაც სტუმრებს ქვევრის უნიკალური ღვინოების დეგუსტაცია და უგემრიელესი ვახშამი ელოდებათ. 

 

ღვინის ტური შატო ზეგაანში — ექსკლუზიურად ბიოლისგან

სტუმრობა ადგილობრივ სამეღვინეო მამულში ღვინის სამშობლოში მოგზაურობის ყველაზე ამაღელვებელი ნაწილია.

შატო ზეგაანი, რომელიც მე-19 საუკუნის დასაწყისში, თავადი ალექსანდე ჭავჭავაძის მიერ ფრანგული შატოს მსგავსად იქნა მოწყობილი, ქვეყანაში ევროპული მეღვინეობის კერას წარმოადგენს. დიდი ისტორიული და არქიტექტურული ღირებულების მქონე მამული კახეთის რეგიონში მდებარეობს. აღსანიშნავია, რომ გარკვეული პერიოდის მანძილზე ის რუსი იმპერატორის, ალექსანდრე III-ის საყვარელ საზაფხულო რეზიდენციას წარმოადგენდა. დღეს შატო ზეგაანი ტატულაშვილების ოჯახს ეკუთვნის, რომელიც ძვირფას, ორგანულ ქართულ ღვინოებს აწარმოებს.

ღვინის ტური შატო ზეგაანში სტუმრებზე დაუვიწყარ შთაბეჭდილებას ახდენს. ავთენტური გარემო, უგემრიელესი ღვინოები და ულამაზესი მამული არავის ტოვებს გულგრილს. საინტერესო პროგრამა ქართული მეღვინეობის კულტურას საინტერესო კუთხით წარმოაჩენს. ღვინის ტური დილიდან საღამომდე გრძელდება და ღვინის დეგუსტაციის გარდა, მოიცავს ექსკურსიას მამულში, თონეში შოთის გამოცხობას და ტრადიციულ ქართულ სადილს.